الأحد, 16 أيلول/سبتمبر 2012 22:27

مسيرة 4 أكتوبر ومطالب نساء مصر

دعت مبادرة فؤادة Watch
جميع المنظمات النسوية والمبادرات المناهضة للتحرش إلى التنسيق والتعاون المستمر من أجل الحشد الجماهيرى والتشبيك مع مجموعة العمل المناهضة للعنف الجنسى للوقوف على مسودة تشريع قانونى يجرم ظاهرة التحرش الجنسى ، وتقديم مشروع القانون إلى مؤسسة الرئاسة فى 4 أكتوبر 2012 من خلال مسيرة نسائية حاشدة ، ومع تدشين الحركة النسائية المصرية أصبحت الدعوة إلى اليوم تحمل فى طياتها مشروع قانون يجرم العنف الجنسى ضد النساء بالإضافه إلى وثيقة مجمعة تحتوى على كافه مطالبات النساء وحقوقهن.

الأحد, 16 أيلول/سبتمبر 2012 22:00

التحرش الجنسى ظاهرة وعلاج

شهدت الأونه الأخيرة فى مصر تنامى ظاهرة التحرش الجنسى وإستفحالها ، وقد وقع العديد من حالات التحرش الجنسى الجماعى خلال عيد الفطر الماضى مما دفع مبادرة (فؤادة) إلى الإعلان عن غرفة عمليات لتقلى البلاغات من المتحرش بهن وتوثيقها وتقديم الدعم القانونى وجاء التقرير النهائى عقب أيام العيد يحتوى على مايلى :
على مدار أيام عيد الفطر الثلاثه
تلقت غرفة العمليات إجمالى 53  مكالمه وتم التحقق من صحه 35 مكالمه من  فتيات ونساء  أعمارهن تتراوح من 18 وحتى 25 عاماً أبلغوا جميعهن عن تعرضهن لحالات التحرش جنسى (باللمس لأماكن خاصة من أجسادهن)، علاوه على وابل من الكلمات البذيئه والهروله خلف الفتيات من قبل المتحرشيين والتى وصفت بأنها حالات من الهياج والتحرش الجماعى الصادر من قبل صبيه تتراوح أعمارهم من 8 سنوات وحتى 18 سنة على الأكثر.

الإثنين, 03 أيلول/سبتمبر 2012 12:25

حكايتي مع المترو

انا اسمى نادية عادل وقررت احكى تفاصيل كل اللى حصل معاى يوم الاربع 9-5-2012 كنت ف انور السادات على رصيف الجيزة الساعه 10 ونص وطبعا الدنيا زحمة فا انا رحت اركب في عربية السيدات واول ما دخلت لقيت البنات بيتخانقوا فى الاولاد بيقولولهم ينزلوا من عربية السيدات فقط (اللى لونها احمر). فا بدات اساعدهم اننا ننزلهم وهم في قمة البرود محدش بينزل بدانا كلنا نستغيث بالناس اللى على الرصيف وفى ولد جوة العربية عمال يهزر ويضحك ويقول مش نازلين غير انى فهمت بعد كده انه اصلا اللى بدا يضايق البنات. الموضوع طول والمترو لسه واقف والخناقات كبرت الناس اتلموا وبيحاولوا يسكتونا وكان مافيش حد بيضايقنا فى العربية وكانه مافيش حد كاسر القانون اللا اعتراضاتنا

أنا  سالي ذهني,  26 سنة, كنت من المجموعة  التلي  دعت لوقفة  في ميدان التحرير نؤكد  فيها  رفضنا للتحرش الجنسي بصفة عامة فى مصر و الاعتداءات الجنسية و التحرش الفج   الدى  استمر أكتر من اسبوع منذ بدأ اعتصام  عقب صدور حكم  مبارك.
قبل ماأتكلم على  اللي حصل للمسيرة لازم نوضح كذا مرحلة:
-          من أول اعتصام 8 يوليو وكان فيه تحرشات  ضد النساء اللي بيروحوا الميدان, مجموعة  من الرجال بتتلم على بنات  ويشدوا, يمسكوا اعضاء جنسية وما شابه ذلك.  معظم اصدقائى وقتها اشتكوا من تحرشات جماعية . و كان فيه دعوات على توتير إن  اللجان الشعبية تؤمن الميدان  لكن  أعتقد  بنات كتير  مااتكلمتش  و لم يتم توثيق اللي حصل لهم  وعدى الموضوع.